Joan den urtarrilean egin zen Gasteizko Santa Barbara plazan eskola-enpresen feria, Araba Ekinean ekimeneko mugarri nagusietako bat, hain zuzen ere. Ikasenpresa programari eman dio amaiera ekitaldiak.

Gasteizko lehenengo alkateorde Maider Etxebarriak, Arabako Foru Aldundiko diputatu nagusiorde Pilar Garría de Salazarrek, Eusko Jaurlaritzako Eraldaketa Digital eta Ekintzailetzako zuzendari Leyre Madariagak eta Vital Fundazioetako zuzendari exekutibo Axier Urrestik inauguratu zuten jardunaldia.

Araba Ekinean ekimenaren 20. edizioa izan da aurtengoa, eta Arabako Lanbide Heziketako 5 ikastetxeko ikasleen 59 negozio-proiektu aurkeztu ziren: Mendizabal, Ciudad Jardin, Eraiken, Jesus Obrero eta Arriaga. Hondakinei balioa ematearekin, materialen birziklatzearekin eta pertsonen bizimodua errazteko gailu eta aplikazioekin lotutako proposamenak nabarmendu ziren. Gure lurraldeko ikasleek sortutako negozio-ideia berrien erakusleihoa dugu betiere eskola-enpresen feria hau.

Lehenengo alkateorde eta Sustapen Ekonomikoko zinegotzi Maider Etxeberriak nabarmendu zuenez, eskola-enpresen feriak “arrakasta du erakundeen arteko lankidetzaren fruitu delako eta ikasleek egindako lan handiaren erakusgarri delako. Topaketa honi esker, atea zabaltzen diegu gure hiriaren izaera berritzailea sendotzeko eta enplegua sortzeko baliagarriak izan daitezkeen etorkizuneko negozioei”.

"Ekin Araban" laguntza, bueltan

Urtero bezala, Arabako Foru Aldundiak argitaratu du probintzian ekiteko laguntza. Laguntza hori oso interesgarria da Araban ekiteko asmoa duzuen guztientzat.

Albiste honetan azalduko dizugu eskatzeko jakin behar duzun guztia. 

1. Epeak: Laguntza hori 2023ko martxoaren 1eko 14:00ak arte eskatu ahal izango duzu.
2. Laguntzaren zenbatekoa: Laguntzaren zenbatekoa 40.000 € artekoa da.
3. Zein da laguntza horren helburua: Laguntza horren helburu nagusia da Arabako ekintzaileei lurraldean enpresa berriak sortzen laguntzea. 
4. 4Nork eska dezake laguntza hori? Enpresa berriek nahiz finkatze- eta hedatze-prozesuan dauden enpresek.

• Enpresa berriak Enpresa-unitate berri bat sortzeko proiektua duten Arabako pertsona fisiko guztiak.
• Arabako pertsona fisiko edo juridikoak, gehienez ere bi urteko antzinatasuna dutenak jarduera hasten denetik edo eskabidea egiten den egunean eratzen denetik.
• Jarduera dibertsifikatu nahi duten Arabako pertsona juridikoak, enpresa-unitate berri bat sortzeko proiektu zehatz bat aurkeztuz.
• Egoitza ala jarduera Arabatik kanpo dutena pertsona fisiko edo juridikoak ere parte har dezakete, zentro bat lekualdatzen/ezartzen baldin badute.

• Araban jarduera-zentroa martxan duten pertsona fisiko edo juridikoak, azken lau urteetan (2018-2021) enpresa berriak sortzeko fasean Ekin Araban programaren laguntzen onuradun izan direnak eta gutxienez enplegu bat eta gehienez hamar dituztenak. Sustatzaileak izan ezik.

Ezagutu araudi osoa eta oinarriak helbide honetan: https://egoitza.araba.eus/es/-/solicitar-ayuda-emprender-en-alava